:تعارف
شعبہ اسلامی فکر و تہذیب یونیورسٹی آف مینجمنٹ اینڈ ٹیکنالوجی لاہور پاکستان، اردو اور عربی زبانوں میں اس کی ضرورت کو محسوس کرتے ہوئے ، تحقیقی مجلہ''مجلہ اسلامی فکر و تہذیب'' کو شائع کر رہا ہے۔ انسانی سماج کے معاصر فکری و تہذیبی مسائل کا اسلامی فکروتہذیب کی عالمگیریت اور معقولیت کے تناظر میں تجزیاتی مطالعہ اور اس کے قابل عمل حل کی جستجو، ''مجلہ اسلامی فکروتہذیب'' کا مقصد ہے۔
”مجلہ اسلامی فکر وتہذیب“ایک بین الموضوعاتی اور کثیر زبانی [اردو، عربی انگریزی] مجلہ ہے جس میں فکروتہذیب اسلامی کے مختلف پہلوؤں پر ماہرین کی جانچ کے عمل سے گزرنے کے بعدمعاشرتی و سماجی علوم میں فکراسلامی سے طبع زاد تحقیقی کاوشوں کو شائع کرنے کے لیے ایک مؤثر پلیٹ فارم مہیا کرتا ہے۔ ”مجلہ اسلامی فکر وتہذیب“ اپنے مندرجات تک وسیع تر عالمی علمی تبادلے کے اصول کے تحت آزادانہ اور براہ راست رسائی دیتا ہے۔ یونیورسٹی آف مینجمنٹ اینڈ ٹیکنالوجی، لاہور پاکستان، ہائیر ایجوکیشن کمیشن، پاکستان کے تعاون سے شائع کر رہا ہے۔
اور (HEC)ایچ ای سی نے Y کیٹیگری میں تسلیم کیاہے۔
:مقصد و دائرہ کار
مجلہ کا مقصد ، اسلامی فکر وتہذیب کے میدان میں فلسفہ مذہب ، تہذیبی افکار، اور کلامی مباحث پر معیاری تحقیقات کو منظر عام پر لانا ہے ۔ جس سے معاصر مسلم معاشروں کو درپیش مختلف الجہات مسائل کو زیر غور لا کر عصری تطبیقات کے تناظر میں اس کا حل تجویز کرنا ہے، تاکہ اہل علم و دانش، بغیر کسی مسلکی، قومی یا تہذیبی تعصب کے، ایک متوازن، متحمل اور ثمر آور مکالمے کو فروغ دے سکیں۔
”مجلہ اسلامی فکر وتہذیب“ کی مجلس ادارت ،تحقیقی مجلہ کو جلد، قومی اور بین الاقوامی اشاریہ بندی میں دیکھنے کی خواہاں ہے۔ البتہ مجلہ کا دائرہ ، دانستہ وسیع رکھا گیا ہے تاکہ اسلامی فکر وتہذیب سے متعلق سماجی ، فطری ، تہذیبی علوم نیز شرقی و غربی افکار کے تناظر میں ہمہ جہت تحقیقات منظر عام پر آ سکیں تاکہ انسانی مسائل کا ادراک اور ان کا قابل عمل حل ممکن ہو سکے۔
”مجلہ اسلامی فکر وتہذیب“ سہ زبانی مجلہ ہونے کی حیثیت سے اردو، عربی اور انگریزی کے معیاری مقالات قبول کرتا ہے۔ نیز مسلم تصنیفات اور سوانح عمری پر تبصرہ جات بھی شائع ہوتے ہیں۔ تاکہ علمی اور سماجی حلقوں میں علمی تعلق کو پروان چڑھایا جا سکے۔
